شبكه ومنتديات عرب كلاسيك ▽ افضل عالم تقني بالوطن العربي © www.arabclassic.1forum.biz
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات والقوانين، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
نكت نكت نكت نكت غير مشفرة والضحك للجميع Ouo_oo10

نكت نكت نكت نكت غير مشفرة والضحك للجميع Bulkdo10
شبكه ومنتديات عرب كلاسيك ▽ افضل عالم تقني بالوطن العربي © www.arabclassic.1forum.biz
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات والقوانين، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
نكت نكت نكت نكت غير مشفرة والضحك للجميع Ouo_oo10

نكت نكت نكت نكت غير مشفرة والضحك للجميع Bulkdo10
شبكه ومنتديات عرب كلاسيك ▽ افضل عالم تقني بالوطن العربي © www.arabclassic.1forum.biz
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

شبكه ومنتديات عرب كلاسيك ▽ افضل عالم تقني بالوطن العربي © www.arabclassic.1forum.biz

شبكه ومنتديات عرب كلاسيك ▽ افضل عالم تقني بالوطن العربي ©www.arabclassic.1forum.biz|العاب|برامج|مصارعه|تعليم|استايل|حصريات|صور|شرح|برامج|موبايل|سيمزات|نوكيا|فوتوشوب|جديد|أحلى منتدى|اشهار المنتديات| استايلات| اخبار|رياضة
 
الرئيسيةأحدث الصورالتسجيلدخول

 

 نكت نكت نكت نكت غير مشفرة والضحك للجميع

اذهب الى الأسفل 
كاتب الموضوعرسالة
TALAL
THE MAN OF THE LO (A) VE YOU
THE MAN OF THE LO   (A)  VE YOU
TALAL


ذكر
تاريخ التسجيل : 30/10/2008
عدد المساهمات : 8763
العمر : 36
العنوان : لسة بدور على مكان يكون فى حب وصدق وحنان و حد يحب حد بجد
العمل/الترفيه : ENGINEER
المزاج : تحياتى لمن دمرت حياتى
نقاط نشاط العضو : 16416
مستوى تقييم العضو : 2
الاوسمه : نكت نكت نكت نكت غير مشفرة والضحك للجميع Tamauz

نكت نكت نكت نكت غير مشفرة والضحك للجميع Empty
مُساهمةموضوع: نكت نكت نكت نكت غير مشفرة والضحك للجميع   نكت نكت نكت نكت غير مشفرة والضحك للجميع Icon_minitimeالأحد ديسمبر 06, 2009 3:30 am

• ضحك وفرفشة على الماشي
• مرة واحد اسمة عزوز راح اشتغل عند ميكانيكى صبى صغير .فى يوم قال عزوز لصاحب الورشة انا اعرف رئيس الحى صاحب الورشة مصدقوش ولكن بعد يومين فعلا مر من قدام الورشة رئيس الحى وسلم على عزوز سلام حار صاحب الورشة اعجب بعزوز وشغلة اسطى فى الورشة وبعد يومين عزوز قال لصاحب الورشة انا اعرف الوزير قال لة لا ديا صعبة جدا وفعلا بعد يومين مر الوزير من قدام الورشة وسلم على عزوز ...صاحب الورشة اتجنن وقال لعزوز يابنى انا هجوزك بنتى وتمسك الورشة مكانى... وبعد يومين قال عزوز لصاحب الورشة انا اعرف "بوش" ولكن صاحب الورشة المرة ديا قال لعزوز بلاش تهتش على ديا واسعة قوى ..عزوز قاله تعال نسافر وانا هعرفك وفعلا سافروا امريكا ووقفوا امام البيت الابيض وعزوز قال لصاحب الورشة بص على الشباك الابيض الى فوق ده ..هطلع كمان شوية انا وبوش ونقول لك هاى وفعلا عزوز طلع هو وبوش بعد خمس دقائق الراجل صاحب الورشة اغمى علية وراح المستشفى . ولما فاق عزوز بيسألة انت اغمى عليك علشان شفتنى انا وبوش .صاحب الورشة قال لا يابنى انا اغمى علية علشان انت والريس وافقين فى الشباك عدا من قدامى اثنين امريكان بيسألونى من الى واقف جنب عزوز ده
• واحد قال لجاره "الحق الثعبان دخل علي حماتك في غرفتها رد وقال "سيبه يستاهل"
• مره واحد لاقى جيرانه عاملين دوشه فنده انتو ياللى فوق بطلو الخبط ده فرد ابنهم الصغير عليه و قال: معلش يا عمو اصل ماما بتنفض البنطلون بتاع بابا فقاله: البنطلون تقيل قوى كده لدرجه انه يعمل الدوشه دي كلها فرد الولد و قاله: اصل بابا جوه البنطلون.
• مرة اتنين أصحاب كانو في السينما فواحد قال للتانى تراهنى انى اضربلك اللى قاعد هناك دة علي قفاة رد علية صاحبة وقال طبعا متقدرش راح قايم وضربة وقاللة محمد انت هنا من بدري راح الراجل بص لة وقالة انا مش محمدقالة انا اسف كنت فاكرك محمد المهم رجع لصاحبة تانى قاللة تراهنى اضربة لتانى مرة علي قفاة قاللة المرادى بقي متقدرش راح قايم وضربة وقاللة محمد انت هنا من بدري قاللة يا عم قلت لك انا مش محمد قاللة انا اسف كنت فاكرك محمد راح الراجل زهق راح غير مكانة راح اراجل اللى بيضرب قال لصاحبة تراهننى ولتالت مرة اضربهولك علي قفاة قاللة المرة دي بقي متنفعش راح قايم ولف وراح ضربة وقاللة انت قاعد هنا ونا عمال اضرب الراجل هناك …
• على حسب الله عضو مجلس الشعب عمل استجواب لوزير المواصلات، ليه القطارات بتيجى كل يوم متأخر؟
• الوزير وعد ان من بكره القطارات مواعيدها حاتتظبط!
• تانى يوم على حسب الله خد التليفزيون والصحافة على محطة السكة الحديد، الميه تكدب الغطاس!
• القطر اللى كان ميعاده عشرة وصل عشرة الا ربع!
• الصحفيين اتلموا على السواق يحيوه ويسألوه ازاى نجح فى عمل المعجزة دى، فرد:
• معجزة ايه؟ هو النهارده ايه بالصلاتو على النبى؟
• الاربعاء.
• ده ياخواننا قطر يوم التلات ..
• اثنين بلديتنا قاعدين بيمصوا قصب لما حبو يقوموا ملقيوش الشوم بتاعهم
• مرة واحد بلديتنا حب يحتفل بعيد الطفولة .. عملها على نفسه
• كان في سلحفتين صغيرين كانوا بيحبوا بعض كبروا واتجوزوا وخلفوا سلحوف صغير سموه ابوسريع ,اقترحت ام ابو سريع علي ابو سريع انهم يروحوا يفسحوا الواد في البحر الاحمر جهزوا لوازم الرحلة واستغرقت الرحلة 15سنة ذهاب.. وصلوا علي البحر وفرشوا علشان يأكلوا وفجأة صرخت ام سريع "تصدق يابوسريع نسينا اهم حاجة نسينا الملاحة عشان الاكل ..اخطف رجلك وروح البلد هاتها .."صرخ ابوسريع وقال لسه هاروح 15سنة رايح و15 سنة جاي يكون الاكل برد الأحسن نبعت الواد ابوسريع خفيف ولس صغير.."ونادوا ابو سريع وقالولهه بل قالوه وبعتوه مرت السنين...حوالى40 سنة وابو سريع مجاش السلاحف بدأت تقلق فقالت ام سريع احسن ناكل بدل ماالاكل يبرد ومايجي ابوسريع نعمله اكل ثاني "فجاة خرج ابوسريع من ورا شجرة وقال يعني لو كنت رحت كنتم كلتم من غيري...
• واحد احول وواحد اهبل فتحوا محل طعمية الاحول بقى يعمل الطعمية و يحطها برة الطاسة ،و الاهبل يقول طشششش
• مرة واحد راح السودان بالليل مالقاش حد
• واحد بلدياتنا واقف و معاه ارنب فعدّا عليه واحد و قال : بكام الحمار اللي معاك ده؟ فقاله: ده ارنب يا عم ! فقاله:ان مش بكلمك انت..انا بكلمه هو
• واحد بواب كل يوم ينزل ينادى على مراته
• ويقول لها : عاوزة حاجة قبل ما أروح الشغل
• فتقوله : لا
• يروح قاعد على الدكة
• مرة واحد كل ما ينام يحلم بكتاكيت تلعب كورة . فى كل مرة يحلم نفس الحلم فذهب للدكتور فقال له الدكتور لا تنام يوم أو اتنين قال له ما انامش ازاى دا بكره النهائى
• مرة واحد راح للحلاق قاله ممكن اخد دقنى.
• الحلاق قاله : هو انت نسيتها هنا ؟؟؟؟
• الضابط:يوم السبت الجاى يوافق 2 يا عسكرى
• العسكرى: لو ضغطنا عليه حيوافق يا أفندم
• اتنين صيادلة قابلوا بعض الأول بيقول للتانى يامرهم بيك بنسلين ماشفنكش رد التانى قل له أهى تينيا
• مرة واحد اهوجى اشترى عربية طلع الكراسى بره
• مرة واحد ماشي على البحر شاف ثعبان أعمى
• الرجل : نفسك في ايه
• الثعبان : نفسي أعمل عملية وأشوف
• الرجل : ليه
• الثعبان : علشان أشوف حبيبتي ونور عيني
• الرجل كان طيب وعمل له عملية ورجعه مكانه وبعدها بيومين راح الرجل يطمأن عليه وجد الثعبان بيبكي
• الرجل : مالك ياعم ثعبان مش عملنالك عملية عشان تشوف
• الثعبان : أصل اللي بحبها طلعت خرطوم
• مرة واحد بلديتنا ربنا كرمه ? فتح فرن عيش, اول يوم راح واحد اشترى منه 10 ارغفة ? روح بيتهم فتح اول رغيف وجد فيه ودن فار , فتح تانى رغيف وجد فيه رجل فار , فتح تالت رغيف وجد فيه ديل فار , راح تانى يوم لبلديتنا قال له ايه ده ياراجل انا حابلغ التموين ? اقفل لك الفرن ده , رد عليه بلديتنا ? قال له ايه يا استاذ انت ما بتفهمش ولا ايه , دى مسابقة انا عاملها جمع الفار تكسب الفرن
• الضابط للغفير: عملت إيه قبل ما تنام؟
• الغفير: تممت على دوريتى واتعشيت وضربت كفتة ونمت!
• الضابط: وانت عملت إيه؟
• الغفير الثانى: نفس الحكاية تممت دوريتى واتعشيت وضربت كفتة ونمت.
• الضابط: وانت؟
• الغفير الثالث: تممت دوريتى واتعشيت ونمت.
• الضابط: وكفتة؟
• الغفير: ماهو أنا كفتة
• مرة 3 ستات واحدة مصرية واحدة امريكانية واحدة فرانساوية كانوا قاعدين يناقشوا مشكلة ان اجوازهم مش بيساعدوهم فى شغل البيت ? قرروا انهم هايتقابلوا بعد اسبوع ? تكون كل واحدة منهم جربت طريقة ? يشوفوا النتايج ? فعلا بعد اسبوع جت الامريكانيه ? قالت: انا سيبت شغل البيت اول يوم ما شوفتش حاجة تانى يوم بردة مفيش حاجة تالت يوم ابتدا يقوم ينضف ? يغسل ? بعدين اتعود علي كدة الفرانساوية قالت : انا بردة اول وتاني ? تالت يوم ماشوفتش منة حاجة ورابع يوم ابتدا يغسل ? ينضف وبعدين اتعود على كدة فالمصرية ٌقالت انا زيكو كدة برضة اول ? تانى ? تالت ورابع يوم ماشوفتش حاجة ? على خامس يوم ابتديت اشوف بعيني الشمال
• مرة صرصار من بلاعات إمبابة عايز يجوز صرصارة من بلاعات الزمالك راح إتقدم لأبوها قله يابني إنت من إمبابة عايز تتجوز واحدة من الزمالك الصرصار إتعقد طقت في دماغه يسافر بره يشتغل علشان يجوزها سافر علي بلاعات الإمارات ..اشتغله سنتين وكون فلوس واشتري عربية وركبها قدام بيت حبيبته أبوها شافه قالها هو ده إلي إتقدملك من سنتين قلتله أيوه قالها روحي إنداهيله راحت تندهله بيفتح باب العربية وبينزل واحد داس عليه
• ميكانيكي علق نتيجة على الحيط مكتوب عليها "الصبر مفتاح 15
• واحد كان عنده جموستين واحده بيضه والتانيه سوده واحد سأله إنت بتأكلهم إيه رد عليه :البيضه ولا السوده قاله البيضه قاله:برسيم ..طيب والسوده ..برضو برسيم..أمال بيناموا فين..البيضه ولا السوده..لأالبيضه..فى الزريبه..طب والسوده ..برضو فى الزريبه..طب وبيستحموا فين..البيضه ولا السوده..لأ البيضه ..فى الترعه ..طب والسوده..برضو فى الترعه..رد عليه الراجل:يا أخى هوا أنا كل لما أسألك تقوللى البيضه ولا السوده؟..قاله الراجل :أصل إنت مش عارف الجاموسه البيضه بتاعتى…طب والسوده ..برضو بتاعتى…
• مره اتنين داخلين محل جزم هو ومراته فقال لصاحب المحل هتلها جزمه زحافي قالتله لا بكعب قالها لا زحافي قالتله لا بكعب فصاحب المحل زهق منهم قال للراجل ياعم هاتلها بكعب هو انت اللي بتلبس قالوا ياعم انت مالك هوانت اللي بتضرب.
• مره اثنين بلدياتنا دخلوا امتحان ..قام واحد سأل الاخر ما هى اجابه السؤال ده . هى القطه عندها كام رجل فرد الثانى عليه و قال له .... معايا فى جيبى بس مش عارف اطلعها .
• واحد متخانق مع مراته كتب لها ورقة بالليل وهي نايمة قال لها صحيني الساعة السادسة صباحا
• لما قام من النوم لقى الساعة بقت عشرة الصبح.. ولقى في ايده ورقة مكتوب عليها اصحى الساعة بقت ستة
• مرة واحد عسكري دخل المطبخ ضرب تعظيم سلام ليه؟ التلاجة ماركة جنرال
• مرة واحد كبر دماغه ما عرفش يخلع ال تي شيرت
• واحد شرب بوليس النجدة العساكر وقفت في زوره
• واحد بتاع سمك ابوة مات قال لا الة الا الله دة كان صاحى و بيلعب
• راجل بخيل بيموت, فسأل أولاده: أحمد أنت هنا يا حبيبى؟ أيوة يا بابا أنا هنا. منى أنتى هنا يا حبييبتى؟ أيوه يا بابا أنا هنا. محمود :أنت هنا؟ أيوه يا بابا أنا هنا. الأب :أنتم كلكم هنا يا ولاد؟ الأبناء :أيوه يا بابا كلنا هنا. الأب :أمال يا كلاب سايبين النور اللى بره ده لمين؟
• واحد مدرس كيميا راح يشوف نتيجة ابنه ? المدرسه لقاه راسب ازرق.
• مرة واحدة ست اسمها زيزي بتقول لجارتها: الحقيني يا سامية بعت جوزي يجيبلي ملوخية راح مخبوط بأتوبيس
• صاحبتها: يالهوي وعملتي إية
• قالتلها: عملت بامية وامري لله ..
• مره واحد مسطول راح لمحل سندوتشات وقاله والنبي اعمللي اتنين جبنه رومي فرد عليه صاحب المحل :معلش يا بيه العيش خلص والله قاله خلاص اعملهم لانشون
• مرة واحد اسود اتجوز واحدة بيضاء خلفوا تاكسى
• مرة اتوبيس جاى يلف الصينية وقع الكوبايات
• فرخة استحمت بهيداند شولدرز جابت بيضة من غير قشرة
• مره واحد قال لمامته:اعمليلى مكرونه قالتله هو انت فاكرنى موتوسيكل قام الدولاب وقع.
• مرة واحد اسمة توتو ركب الاوتوبيس فقال لة الكمسري فين التزكرة؟فقال لة توتو:توتو ما بيدفعش توتو ما بقطعش !!!!راح قايل لة الكمسري اية قلة الادب دي قدامي علي القسم, راح رايح صاحبنا توتو القسم,وفي القسم سالة الضابط برضة مش عايز تدفع حق التزكرة؟راح توتو قايل لة "توتو ما بيدفعش توتو ما بيقطعش" راح واخده الظابط علي وزير الداخلية ? قال لة شوف بقي لو ما دفعتش حق التزكرة حاسجنك!!راح قايل لة توتو "توتو ما بيدفعش توتو مل بيقطعش توتو معاة أبونية.
• مرة قرد وقع من فوق شجرة نقلوه للمستشفى بين الحياة والموز.
• واحد راجل سمع بنته بتصلى باليل قبل ماتنام وتقول :يارب خليلى ماما..يارب خليلى بابا..يارب خليلى تيتا .. يارب سلم لى على جدو ، فاستغرب الأب ، وثانى يوم الجد مات .
• فى اليم التالى سمع الأب ابنته تصلى قبل النوم وتقول يارب خليلى ماما..يارب خليلى بابا..يارب سلم لى على تيتا ، وتانى يوم تيتا ماتت .
• فى اليم التالى سمع الأب ابنته تصلى قبل النوم وتقول يارب خليلى ماما.. يارب سلم لى على بابا، فخاف الأب جدا على نفسه وقال فى نفسه الظاهر إنى هـموت بكره ، تانى يوم الصبح الأب نزل راح الشغل وقرر إنه مايتنقلش منه لحد الساعه 12 بالليل لحد مايعدى اليوم كله على خير وفعلا الساعه 12 بالليل رجع لبيته فرحان جدا إنه مش حيموت .. اول مافتح باب شقته .. مراته قالت له : كنت فين ياراجل طول اليوم إحنا قلبنا عليك الدنيا .. قالها خير ياوليه فيه ايه .. قالت له جارنا الأستاذ محمود مات.
• مرة واحد بخيل جداً إشترى دش طلع علقه ع السطح وقفل السطح وكتب ع الباب إحترس كلب متوحش ... الجيران اجتمعوا واتفقوا على ان يصعد واحد منهم للتخلص من الكلب ..
• وبالفعل إختاروا واحد ، صعد إلى السطوح ونزل يجرى وهو يلهث .. وحين سأله الجيران "ها شفت الكلب" رد "لا شفت الطبق اللى بياكل فيه
• تاجر مخدرات حصلت عليه كبسه شرطة فرمى المخدرات في عشة فراخ وجري تاني يوم بيدور على المخدرات في العشة فوجد فرخه كلتها كلها فقعد يضرب فيها و بعدين قال لها والله لأنا مأدبك فنتف ريشها كله و راح رماها في عشة الديوك فاتلمت الديوك عليها فصرخت الفرخه فيهم .. بقول لكم إيـــــه ... أنا مخدرات مش آداب
• مره واحد ماشى فشافه واحد بيلمع جزم فقاله :تلمع يا بيه فقاله: لا جزمتى كاوتش قاله الجزمجى :تنفخ يا بيه
• واحد أخنف حظه وحش قوي....وقع في حفره...و فضل مستني لغاية ماواحد جه....و على حظه كان أخنف برضه
• الأخنف اللي فوق قال...استنى شوية..حاطنّنعك دنوأتي ,قاله نببنا يخننيك بسنعة ..قال له و كمان بتتنيأ؟؟؟ طب ابقى شوف مين حيطننعكّ
• طفل سأل أمه الحامل أيه ده ياماما قالت له هذا أخيك الصغير؟
• وذهب الطفل للحضانة اليوم التالى وسألته الميس: هل لك اخوات أصغر منك؟
• قال لها الطفل : ?عم كان لى أخ أصغر منى لكن ماما أكلته؟؟؟؟؟؟؟؟؟؟؟؟؟؟؟؟؟؟؟؟؟؟
• مرة واحد ماشى قابل واحد قال لة سبحان الله الخالق الناطق مراتى بس الفرق الشنب قال لة أنا مليش شنب قال لة هى ليها
• مرة واحد كسب مليون جنيه فراح طاير من الفرحة واتصل بمراته و قالها بقولك ايه يا عزيزة انا كسبت مليون جنيه.... حضرى هدومك بسرعة , قالتله طيب احضر هدوم صيفى ولا شتوى؟ قالها مش مهم المهم اجى ملاقيش وشك فى البيت
• دخل طفل صغير الى الستاد لمشاهدة مباراة كرة القدم وجلس فى مقاعد كبار المدعوين فجاءه المراقب وسأله انت قاعد ليه يا شاطر
• الطفل: انا قاعد بتذكرهوأعطاه التذكره فوجدها المراقب انها تذكره صحيحه فعلا فسأله :انت جاى يا شاطر مع بابا؟
• الطفل : لآ بابا قاعد فى البيت .
• المراقب : بيعمل ايه فى البيت ؟
• الطفل : بيدور على التذكره
• مرة واحد بلدياتنا وجد عشرون جنية جديدة واقعة على الأرض قام بص يمين وشمال وحط مكانها عشرين جنية قديمة مكانها وأحذها
• واحد ماشى فى الطريق الصحراوى بسرعة 150كم لقى يفطه بتقول (خفف 100كم)قال اتبع تعلمت المرور أحسن شويه لقى يفطه اخرى خفف70كم، شويه ويفطه تانيه خفف 50كم والراجل متبع التعليمات، شويه ويفطه تانيه خفف 10 !!!! ،ثم وجد يفطه مكتوب فيها(مرحبا بك فى خفف
• واحده ست جالها وجع الولاده اتصلت بامها جت امها لقتها ولاده اتصلت بالدكتور - الدكتور دخل يولدها جاب العيل ومسكه من رجليه وضربه صرخ الطفل فاطمئن الدكتور وبص لقي عيل تاني مسكه من رجليه وضربه فصرخ الطفل فاطمئن الدكتور - بعد كده الدكتور غسل ايده و مشي المريضه قالت لامها انا حاسه بحاجه بتتحرك كشفت الام لقيت عيل بيبص و بيقول هو الراجل الي بيضرب العيال مشي ولا لسه
• مرة واحد مسطول روح بيته و معاه واحد صاحبه. وقف قدام الباب عشان يفتحه. صاحبه قاله ايه ده انت حاطط السيجارة مش المفتاح فى خرم الباب. رد عليه المسطول و قال له: يا نهار ابيض يبقى أنا شربت المفتاح
• واحد اخترع حبوب للحامل علشان المولود يطلع مؤدب وكل مولود فعلا نزل مؤدب . واحدة اخدت الحبوب ولم تلد في الميعاد فراحت للدكتور عملها ولادة قيصرية وجد توأم كل واحد بيعزم علي التانى ويقول لة اتفضل انت الاول
• مرة نملة دخلت تستحمى تاهت فى الليفة .
• مرة واحد يهودى بخيل قام الصبح من النوم قال لمراته الفطار بضتين بس سمعانى اتنين بس قالت له حاضر بعد كدة قال لها انه طالع يصلح الاريال فوق السطح علشان الصورة وحشة و هو بيصلح الاريال و قع من فوق السطح وهو بيقع عدى على شباك المطبخ راح قايل لمراته بيضة وحدىىىى …
• كان فى مرة واحد ماشى لقى واحد قاله ازيك يا محمد شكلك اتغير خالص
• التانى: بس انا مش محمد
• الاول :و كمان أسمك اتغير
• في يوم المدرس بيسأل التلميذ: ما معنى كلمة سبيل؟
• فرد عليه التلميذ : طريق
• قالوا المدرس :ممتاز, طيب يعني ايه سلسبيل؟
• فرد عليه التلميذ: طرطريق
• مرة إتنين حلاقين بيسمعوا ماتش فالمذيع بيقول شاط شوطة بمشط رجلة حلوة فى المقص راح الصبى قال إلحق ياسطى بيلعبوا فى العدة
• واحد جه ينزل من باب العربيه لأى الدنيا بتمطر نزل من الباب التاني
• مره واحد راجع البيت محشش ومهيس طحن..فضل يخبط علي باب بيته:افتحي يا وليه يا ام سيد...يا ام سيد...محدش فتحله الباب,الراجل اتنرفز و اتعصب راح شايط صفيحة الزباله الي جمب الباب...الصفيحه طارت ف الهوا و فتحتله دماغه.الراجل:افتحي يا ام سيد الصفيحه هتموتني
• واحد بلدياتنا حب يعمل جدع فى الأتوبيس قام لواحدة وقعدها مكانه وبعد ماقعدت قالها : لما انتى واجفة من بدرى ماجلتليش ليه اجعدك قالت له : خفت احرجك قالها تحرجينى ياخى يحرج "يحرق" ابو اللى جابك
• مجموعه من بلدياتنا ماتوا غرقانين في غواصه وبعد التحقيق في الحادث أكتشفوا أن واحد فيهم سمع خبط بره راح فاتح الباب يشوف مين
• واحد بلدياتنا كان قائد فى الجيش و قدامه أربع صفوف عساكر ....واحد من العساكر كح..القائد سأل أول صف مين اللى كح محدش رد فتح عليهم النار قتلهم كلهم و بعدين سأل الصف التانى مين اللى كح محدش رد ..راح فاتح النار عليهم....و إدور على الصف التالت قام واحد خاف و قاله انا اللى كحيت ياباشا...قاله القائد يرحمكم الله
• واحد بلديتنا اشترى كمبيوتر شال الفاره وحط جاموسه .
• واحد بلدياتنا حاطط جنبه منبهين وهو نايم عشان واحد يضرب و التاني يحوش
• واحد بلدياتنا دخلت في بقه دبانة خرجت تتف .
• مرة واحد اشترى غسالة فول أوتوماتيك مراته عزمت الجيران علشان يشوفوها حطت في الغسالة 20 كيلو غسيل والغسالة المسكينة بتاخد بس 7 كيلو وشغلتها والجيران باركولها وعزمتهم على كوباية شاي وبعد شوية الغسالة بدأت تنشف الغسيل ومن كتر الحمل عليها قعدت تتحرك ناحية البلكونة شفتها مرات صاحبنا قامت جريت عليها وقالت لها والله ماانت نشره الغسيل أنا اللي حنشره .
• مرة محمدين وحسنين كانوا محبوسين في السجن راح محمدين قال لحسنين احنا لازم نهرب راح حسنين قاله انا رسمت خطة : هنفتح اول باب هنلاقي عسكري نقتلة وهنفتح الباب الثاني هنلاقي عسكري هنقتلة وهنفتح ثالث باب هنلاقي عسكري هنقتلة وهنفتح رابع باب ونهرب . قالة ماشي . راحوا ينفذوا الخطة فتحوا اول باب لاقوا العسكري قتلوه فتحو تاني باب لاقوا العسكري قتلوه فتحوا تالت باب ملقوش العسكري راح محمدين قال لحسنين يلا نرجع الخطة باظت .
• إتنين بلديتنا بيلعبو شطرنج الملك مات مشلول
• مره سألو واحد بلدياتنا قالولو المصري بني الاهرامات و اليباني بني ايه قالوهم اليباني بنا سونيك
• واحد بيسأل صأحبه هو خلاص هيضربوا طالبان . قالوه اه, رد عليه: كويس انهم مش هيضربوا المدرسة كلها
• مرة واحد ميكانيكى عمل فيلم سماه شكمان اند روبين
• مرة واحد من حبايبنا حب يعمل عملية انتحارية راح ربط علي وسطه حزام ديناميت و أخد معاه خنجر و طلع علي اسرائيل ,اول ما وصل اسرائيل فضل يدور علي مكان زحمة لحاد ما لقي ييجي 100 اسرائيلي متجمعين في مكان اتصل بصاحبه و قالو انتحر ولا لأ قالو اتكل علي الله . قام طلع الخنجر و انتحر .
• كمسري أبوة مات ماشى في الجنازة يقول يا حضرات الجنازة فاضية آدام
• واحد تاكسجى نايم مراتة دخلت علية بالليل وقفلت الباب بشويش..صحى قال لها افتحية واقفلية تانى
• واحد حشاش خد مرتبه أول الشهر .. فبيقسم فلوسه , ميت جنيه ايجار .. ميت جنيه كهرباء .. ميتين جنيه حشيش راح الباب مخبط , قال المحشش : مين , قالولو البوليس , راح مقطع الميتين جنيه بتوع الحشيش
• إتنين مساطيل قاعدين قدام مراية، واحد منهم بيسأل التانى واخد بالك من الإتنين إللى قاعدين هناك دول؟ التانى وقف يشوفهم، راح زميله قاله خليك فى واحد منهم جاى علينا.
• البوليس عمل كبسة على شوية شمامين و لفت نظره ان فيهم عيل صغير قوي واخد ركن لواحده وعمال يسحب , فقام مقرب منه و سأله: و الشمام الصغير اسمه ايه؟
• قام الواد رد عليه و قاله : كنتلوب يا بيه.
• واحد بلدياتنا رخصته انتهت راح قال لأبوه قاله ماهو من لفك طول النهار..
• مره واحد (أخـنـف) اتجوز واحده( خـنـفـه) ومـحدش مـنهم عارف المرض اللي عند التاني..ويوم الفرح بالليل قعدوا يـبصوا لبعض قامت العروسه جابت طبق الأكل وقالت(كـنّ) ..قم طار العريس من الفرح وقالها(نـيـنـتـك فـن
• مره واحد بخيل قوي عزم واحد صاحبه على العشا
• فجاب جبنه بيضه وبيض وسلطه وجبنه رومي وقعدوا ياكلو
• فكل ما الراجل يجي يمد ايدو ناحية الجبنة الرومي الراجل البخيل يضربو على ايده ويقولو لا متكولش جبنه رومي فكمل الراجل اكله وقام قايل سلام بقى انا ماشي رد عليه التاني لا والله لانتا بايت معانا انهارده الراجل رد عليه قاله ازاي ابات معاكو ده انتا ومراتك ساكنين في قوضه واحده وبسرير واحد ابات بعاك ازاي رد عليه وقاله انا هتصرف ملكش دعوة ونيمه على الكنبه ونام البخيل ومراته على السرير
• بعد شويه الراجل اللى على الكنبه قال لمرات البخيل جوزك نام قالتله لا لسه
• الساعة بقت 2 بعد نص الليل قال الراجل للست تاني جوزك نام قالتله لا
• بعد شويه ها ناااااااام ؟
• قالتله اه
• قالها طيب قومي اعمليلي سندوتش جبنه رومي
• مره واحد كان حصانه عيان فراح للدكتورالبيطرى فاداله دواء وبعد شويه رجع للدكتور وقاله الحصان مش عاوز يفتح بقه فقله هات قمع وصب الدواء فى الخرطوم وانفخ فيه فيدخل الدواء فى بق الحصان فاتت ساعتين ورجع للدكتور ثانى ووشه مصفر قالدكتور قال له ايه حصلك ايه قاله الحصان هو اللى نفخ الاول
• سواق ميكروباص راح يحلق شعره......الحلاق بيساله عايز تحلق شعرك ايه؟؟؟؟؟ قاله!!اى حته على جنب
• مرة واحد اخترع كرسي بيفرقع لما حد يقعد عليه و يكدب.فجابوا بوش و سألوه:بتفكر تعمل ايه الأيام الجاية؟
• فقال:أنا بفكر أعمل معاهدة سلام بين كل بلاد العالم،فالكرسي فرقع.
• و جابو صدام حسين و سألوه:انت بتفكر تعمل ايه الأيام الجاية؟
• فقال:أنا بفكر أعمل معاهدة سلام مع الكويت.
• فالكرسي فرقع.
• و جابو واحد بلدياتنا و سألوه:انت بتفكر تعمل ايه الأيام الجاية؟
• فقال:أنا بفكر ف......فالكرسي فرقع
• مرة واحد بلدياتنا نزل مصر جموستة ضاعت فرجع تاني للاؤتيل دخل اوضة غلط... شاف واحد بيقول لحببتة انا شايف الدنيا كلها فى عنيكي بلدياتنا قالو ماشفتش جاموستي.
• واحد بلديتنا هيعمل عرض بالبراشوت .الكابتن قال له التعليمات "تنط من الطيارة وتفتح البراشوت لو ما اشتغلش افتح البراشوت الإحتياطي هتلاقي موتوسيكل مستنيك تحت إركبة وامشي بية " . بلدياتنا نط وبيقتح البراشوت ما اشتغلش بيقتح الإحتياطي ما اشتغلش قال يانهار ...! الخوف لو نزلت ما لقيتش الموتوسيكل.
• مرة واحد سافر لأمريكا ولما رجع اصحابه سألوه :ايه ايه الي لفت نظرك هناك,فقال:انا شوفت العجب في امريكا تخيلو العيل الي عندو تالات سنين بيتكلم انجليزي
• مرة واحد دخل امتحان الفيزياء شاف سؤال بيقول عرف الكثافة؟
• اذا عرفت الاجابة اتصل بنا على رقم
• 0900525
• مرة واحد بلدينا وقع من على السلم راح للدكتور الدكتور اداله مرهم يدهن بيه مكان الواقعه راح دهن السلم.
• واحد وصل المطار و بالتفتيش وجدوا كيس بودرة فصرخ ظابط التفتيش و قال ايه ده الجمرة الخبيثة فقال الراجل لا اعوذ بالله ده هيرويين
• واحد غبى دخل بيته حرامى سرق التليفزيون وهرب ... جرى وراه يديه الريموت؟
• مرة واحد دخل خلاطة أسمنت طلع منها يقول يلعن أبو الملاهي.
• واحد خارج فى رحله خلويه مع واحد صاحبه لسانه تقيل .وكانو طالعين على جبل .فقال اللى لسانه تقيل لزميله.
• نس...ن..نسي..
• الثانى:نس ايه مش وقته
• الاول: نس نس...نسي..
• الثانى:بقولك ايه .اصبر لحد ما نطلع و اتكلم براجتك.
• المهم طلعوا فقال له: ها كنت عايز تقول ايه؟
• قال له: نس ..نسى.. نسينا... نسينا الخيام تحت.
• الثانى:حرام عليك و جاى تقولى دلوقتى ..تعالى اما ننزل نجيبها.
• المهم وهما نازلين قال اللى لسانه تقيل لزميله :كو..كو...كو
• الثانى: كو ايه عايزين نخلص
• الاول كو... ك..
• الثانى:استنى اما ننزل و اتكلم براحتك.
• ولما نزلو قال له :ها كنت عايز تقول ايه فوق ؟
• الاول: كو.. كككككككككو.. كوت..كنت باهزر معاك
• واحد سكران رجع البيت متأخر أوي .فتحت أخته الباب. راح مديها ألم جامد وقال:كنت فين لغاية دلوقتي ?
• مرة واحد في حضانة قال لزميلته تتجوزينى؟؟
• بصت له بأستحقار و قالت له أنا مبحبش العيال
• فقالها و أنا كمان مش مستعجل عليهم
• مرة اتنين مساطيل قوي راحوا المتحف الاثري فشاف واحد منهم هيكل عظمي فكان مكتوب جنب الهيكل الف وستمية قاف ميم فقال لزميلوا ايه قاف ميم ديه قالوه التاني ده تقريبا رقم العربية الي داسيته
• واحد بيتهته دخل على صاحب مكتبة على قد حاله وقاله: أأأن ..أنا ع ع عايز اش اش اشتغل عن عن عندك بي بي بياع .الراجل قاله: بس المكتبة مش بتجيب ايراد و دخلها بسيط . قاله : بب بس جرجرجربنى.الراجل قاله ماشى استلم من بكره الصبح,..بعد اسبوعين استدعى الرجل البياع الجديد وقاله:بسم الله ماشاء الله عليك يابنى من يوم ما اشتغلت عندى و الايراد زاد, ممكن اعرف انت عملت كده ازاى؟ رد و قال:أأأبدا ككككل الحككككاية أأأن الزززبووون ال اللى يد يدخل اأأألمحل أأأقوله:تش تش تشترى ال ال الكتاب ده وللا اأأأقراءه ل ل لك,يقوم يشتريه على طول
• مره دكتور امراض نفسيه دخل عنبر مجانين لقاهم عملين يتنططوا و يقولوا احنا فشار احنا فشار الدكتور بص لقى واحد قاعد مبيعملش زيهم راحله و قالو انا مبسوط منك و حخرجك من المستشفى دي بس قولي الاول انت ليه مبتعملش زيهم قالو اصلي انا فشاره لزقت في قعر الحله
• مره استاذ.تربيه فنيه حب يختبر التلاميذ..فقل لهم انا عيزكم ترسموا حمار غيبا.....فاوقف تلميذ وقال طيب لو سمحت يااستاذ..اخرج بره علاشان محدش يغش
الرجوع الى أعلى الصفحة اذهب الى الأسفل
https://arabclassic.1forum.biz
 
نكت نكت نكت نكت غير مشفرة والضحك للجميع
الرجوع الى أعلى الصفحة 
صفحة 1 من اصل 1
 مواضيع مماثلة
-
» اعظم هديه للجميع فى شهر رمضان
» مجموعه من الفديوهات والصوتيات الاسلاميه رائعه للجميع
» اللعبه المحبوبه للجميع NFS most wanted Highly Compressed
» 29 طريقة للمحافظة على ايميلك من السرقة والإختراق (موضوع هام جدا للجميع )
» فايرس جديد وأنا متاكدهـ 100% أنهـ موجود في جهازك .....تحذير هام للجميع

صلاحيات هذا المنتدى:لاتستطيع الرد على المواضيع في هذا المنتدى
شبكه ومنتديات عرب كلاسيك ▽ افضل عالم تقني بالوطن العربي © www.arabclassic.1forum.biz :: قسم عرب كلاسيك العام :: عرب كلاسيك الغرائب والطرائف-
انتقل الى: