TALAL THE MAN OF THE LO (A) VE YOU
تاريخ التسجيل : 30/10/2008 عدد المساهمات : 8763 العمر : 36 العنوان : لسة بدور على مكان يكون فى حب وصدق وحنان و حد يحب حد بجد العمل/الترفيه : ENGINEER المزاج : تحياتى لمن دمرت حياتى نقاط نشاط العضو : 16416 مستوى تقييم العضو : 2 الاوسمه :
| موضوع: انا والهبل وقفاك الإثنين مارس 30, 2009 11:24 am | |
| يارب الحلقة تعجبكم (exclusive=حصريا)والحلقة دى بالذات اكسيكوسف لطلبة انقليزى فئط
سيداتي سادتي كله يظبط موجة راديو على قناة " الإف إن إخص" انا والهبل وقفاك 20006600
حيث المرح و الهرج والمرج والتهييس
ونتشرف بان قناتنا هي أول قناة تنمي التفاهة عند الشباب وتفخر بأنها لا تقتصر فقط على الراديو بل و أيضا على التلفزيون عشان نطبق المثل
" اللى ما يشترى يتفرج "
و أيضا قناتنا تقدم باقة مختارة و غير مختارة من الأغاني بهدف على كل لون يا بتسطا
و الأن نترككم مع برنامج " أنا والفسيخ وهواااك " مع أسامة سمير :
تحذير هام " ننصح مرضى القلب و الضغط مراجعة الطبيب قبل الإستماع .... المحطة غير مسئولة عن أى أصابات ... والله انتوا حريين "
المذيع ( عفانا الله و عفاكم ) : أحبائي الحَبيبة اللى بيحبه الحب
عشان خاطر الحب (مش عشان حاجة تانية...) موضعنا النهاردة عن" الحياء " في الحب ... وده
موضوع يؤرق كل شبابنا الحَبيّبه و نحب ننبه على كل اللى هيتصلوا بينا البنين منهم والبنات (أقل من 18 سنة) على انهم يخلوا التليفون جمبهم تحت البطانية ( عشان الفضايح ) ويتأكدوا إن كل اللى
فى البيت ناموا ( عشان ياخدوا راحتهم فى الفضفضة واعرف اعملهم انلايزيشن كويس يرضيه ويبسطهم ) .....
ونستقبل أول إتصال حريمى
المذيع : الووووووووو
الحبيبة : ألو ... إزيك يا أثامة أنا بحبك أوي اوي بجد بحبك موووووت وكان نفسى أكلمك من زمان
المذيع : فعلا .. فعلا ..أنا اتحب بسرعه حقيقي ( ويكمل بعد مصمصة شفايفه وبلع ريقه) بس إحنا
موضعنا إنهاردة عن الحياء في الحب ... إنت متجوزة ؟
الحبييبة : لأ
المذيع : مخطوبة ؟
الحبييبة : توء
المذيع : مرتبطة عاطفيا ؟
الحبيبة : أه
المذيع : طب يا ترى قلتيلوا بحبك ؟
الحبييبة ( في إندهاش و إندفاع شديد ) : طبعا كتيييييير ( ومستغربه اوى من السؤال .. واخدين بالكوا ) ... بس هو مأليش خالص...
المذيع : أه ممكن يكون هو بيكسف أو في أنواع من الشباب ما بيصرحش بحبه لأنه أكيد عنده دم ياما بيكون بيلعب بعواطف البنت ... بس أنا بشجعك علي الإستمرار في العلاقة
الحبيبة : ايوه يا اثامة بث انا حاثة إني بحب واحد تاني ... بث الأولاني مالي عليا حياتي
المذيع : مشكله فعلا ... أنا رأي إنك تسيبي الأول و التاني و تحبي من أول و جديد
و دلوقتي اعزائنا المشاهدين والمستمعين نسمع أغنية
" الإختاشوا ماتوا "
يا اخى حاجه تعقد انا مش عارفه الناس دى بتحس ازاى ؟؟
| |
|