ممكن ندخل نضحك شويه

بسم الله الرحمن الرحيم

حوارات الأجيال

المكان:أحدي أحياء القاهره

الزمان:يوم من أيام صيف عام 2052

حفيده في سن المراهقه(12 سنه) تجلس مع جدتها (70 سنه) و يدور بينهم هذا الحوار

الحفيده:تيته سوسو أزيك؟بقي لي زمان ماقعدتش معاكي

الجده: و هو أنا عارفه أتلم عليكي خالص...ده أنا قاعده زهقانه قوي و مش لاقيه حاجه تسليني

الحفيده:و مابتفتحيش الدش ليه ياتيته؟؟

الجده: التليفزيون بقه ممل خالص,مافيهوش غير 9700 محطه و بس, كمان مابعرفش أغير المحطات

الحفيده: و ايه الحلاوه دي؟ حلو البادي اللي انتي لابساه ده..بس ده موضه قديمه قوي ياتيته

الجده: يابنتي أنا ست دقه قديمه و بالبس زي ماجيلنا الصاعد أتعود و حسب التقاليد القديمه بتاعتنا

الحفيده:ايوه بس مش حاسه انك مخنوقه و انتي لابساه؟؟

الجده: أبدا ده هو ده اللبس المحتشم اللي مفروض الكل بلبسه و يحافظ عليه.فين أيام زمان لما كنا نلبس البادي اللي مبين البطن و الظهر و بس,مع البنطلون الاسترتش الجلد..كانت حاجه اخر روشنه

الحفيده:يااااااه ياتيته... ده انتوا كان ليكم تقاليد غريبه خالص

الجده: و هو انتي فاكره أيامكم دي أيام؟يابنتي أيامكم دي مايعلم بيها الا ربنا...فين أيام سنه 2002,هي الواحده فينا كانت تستجري تشرب سيجاره البانجو و لا تسحب لها سطر بودره قدام أبوها؟؟طب ده الدنيا كانت تتقلب ساعتها و ماتتعدلش..... أمال ايه..... كان فيه حاجه أسمها اخلاق

الحفيده: معقول ياتيته للدرجه الفزيعه دي؟؟

الجده: امال انتي فاكره ايه..... و بعدين كانت الست من دول ماتلبسش اللبس الخليع بتاع اليومين دول ...يعني الجيبه كان مايقلش طولها عن شبر و ربع....و كانوا الستات يلبسوا فوقيها بلوزه باستمرار..مش زي دلوقتي

حسبي الله و نعم الوكيل

الحفيده:ياخبر...و ايه كمان ياتيته؟؟

الجده:حقول ايه و لا ايه يعني خدي عندك مثلا....زمان الطرب الأصيل لمطربين حقيقين زي مصطفي قمر و عمرو دياب و تامر حسني و طبعا سيده الغناء شاكيرا و كانت الأغنيه مدتها اكتر من دقيقتين متواصلين من الطرب الاصيل و الموسيقي الهاديه الراسيه اللي تعمر النافوخ بصحيح

كانوا مطربين روشين و اخر طحن,حسبي الله و نعم الوكيل

الحفيده:حكاويكي ممتعه قوي قوي ياتيته....ثانيه واحده بس لما أصحي سمسم صاحبي في المدرسه لأنه بايت معايا في الأوده من أمبارح...أصل الانسان الالي بتاع الصحيان بايظ و لازم نصلحه النهارده

الجده:طيب ياحبيبتي روحي

بعد عده دقائق

الحفيده:هيه ياتيته ...و بعدين

الجده: أحلي أيام بقي كانت أيام المدرسه ...الفصل كان علي أيامنا رايق و عدد التلاميذ فيه مايزيدش عن ستين سبعين تلميذه, و كنا ساعتها بنعرف نفهم الدرس كويس مش زي دلوقتي , و كانت الشوارع ايامها فاضيه يعني كانت اشاره المرور تقعد ساعه الا ربع بس لأن مصر كلها كان تعدادها 70 مليون مش أكتر ,تخيلي بقي الروقان اللي كنا فيه

حسبي الله و نعم الوكيل

الحفيده: 70 مليون بس؟؟

الجده: أمال ايه... عشان كده كانت كل حاجه رخيصه ,يعني مثلا كيلو اللحمه يوم مايضربه الدم كان يبقي بخمسه و عشرين جنيه او بتلاتين جنيه,و كان أتخن جوز جزمه ب 250 جنيه و كان الواحد يقدر يشتري شقه ب 150 ألف جنيه و بس و كان الدولار بخمسه جنيه بس تخيلي بقي

الحفيده:ماهو عشان كده الجواز علي أيامكم كان سهل خالص ,أحنا بقه خلصنا من العقد دي

الجده:أمال ايه.... ده أحنا الواحده مننا بمجرد ماتوصل سن 17 سنه تبتدي تفكر في الجواز العرفي علي طول,و ماكانش عندنا الأفكار الغريبه اللي بتعملوها دلوقتي ,أنا شخصيا شايفه ان ده أوفر شويه.ده أحنا يابنتي علي ايامنا كان لا يمكن للبنت تتأخر بره البيت عن الساعه اربعه صباحا.طب ده باباها كان ممكن ساعتها يخاصمها

الحفيده: ياااااي ,ده انتم كنتوا متزمتين خالص ياتيته

الجده:يابنتي احنا اتربينا علي الأخلاق و الفضيله,يعني كان اهل الفن محتشمين جدا و كانوا دايما يطلعوا بالمايوهات البيكيني و المذيعات كانوا يقعدوا جنب الضيف مش علي ركبته زي دلوقتي.....هييييه الله يرحم دي أيام ,فكرتيني بالذي مضي,حسبي الله و نعم الوكيل

تمسك الجده بتليفون محمول في حجم علبه الكبريت

الحفيده:حتكلمي مين ياتيته؟

الجده:الحقيقه انا كنت موصيه الجزار علي اتنين كيلو لحمه و اديته 600 دولار عربون و عايزه أطلبه اشوف اذا كان اللحمه وصلت و لا لأ

الحفيده[ندعوك للتسجيل في المنتدى أو التعريف بنفسك لمعاينة هذه الصورة]تنهض من مكانها) تشاو سي يو تيته

الجده:سي يو

و بعد مرور عده ساعات انتابت الجده خلالها غيبوبه بسبب الشيخوخه

و في المساء دار هذا الحوار بين الجده و الحفيده

الجده:انتي كنتي فين يافتفت؟

الحفيده:اصل احنا اخدنا الولد من الحضانه

الجده:ولد! ولد ايه اللي اخدتوه من الحضانه؟

الحفيده:اه صحيح انا نسيت أقولك..اصل انا جبت ولد من سمسم صاحبي

الجده:يابنتي مستعجلين علي ايه مش لما تتجوزوا؟حسبي الله و نعم الوكيل

الحفيده:ياسلام عليكي ياتيته...انتي عليكي تحكمات غريبه..طب ايه اللي يمنع نخلف من غير جواز انا شخصيا عملتها و نفعت

الجده: مشكلتي اني مابعرفش ازعل منك يافتفت ياعكروته ...و سميتوا المحروس ايه بقي؟

الحفيده:سميناه دوت كوم

الجده:نعم.....دوت كوم؟؟نظام هاي تك بقي ؟يعني لما تعوزي تنادي له تدوسي انتر و لا ايه بظبط؟

الحفيده::ها ها ها ...ايه الخفه دي ياتيته

و الله فكره..و لما أحب اقوله روح اودتك أدوس ألت و اف 4

الجده:و اخدتوه من الحضانه وديتوه فين بقي؟

الحفيده: وديناه النادي الصهيوني بتاع الحي

الجده:النادي الصهيوني بتاع الحي؟

الحفيده: ايوه...ده نادي جميل معمول برعايه كبار رجال الأعمال و تحت رعايه وزاره البترول و ده بيعلم الأطفال حاجات ظريفه خالص و مصاريفه رخيصه جدا و و بعدين الولد الكويس ممكن يبعتوه يكمل تعليمه في اسرائيل علي نفقه وزاره البترول اصل (ميدو سامح فهمي)وزير البترول ده راجل متفتح قوي

ماتفتحي التليفزيون ياتيته عشان تشوفي نشره الأخبار؟؟

المذيعه:هاي شله

اليكم عناوين الأخبار

أخبار عالميه

أمريكا ترصد 25 مليار دولار للقبض علي تامر بن محمد بن أسامه بن لادن المتهم الأول في تفجير قصر السفير الامريكي في أفغانستان

واشنطن تتهم ليبيا بتفجير سفينه فضاء فوق كوكب المريخ

وزير الاقتصاد د.فريد يوسف بطرس غالي يصرح:اعدام الفقراء هو الحل لخروجنا من عنق الزجاجه

موافقه مجلس الشعب اخيرا علي خصخصه معبد الكرنك

أخبار عربيه

زهوه ياسر عرفات تطالب بأنسحاب اسرائيل حتي حدود 2030 و اعلان الدوله الفلسطينيه في مايو المقبل

سيريلانكا و الهند تطرد خمسه ألاف خادمه سعوديه

أسرائيل ترفض الانسحاب من البصره الا بعد ضمان أمن مستوطناتها في بغداد

أخبار الفن

زفاف المطربه صباح علي حفيد الفنان الراحل راغب علامه

رئيس قطاع الانتاج لم يستقر بعد علي بطله فوازير رمضان و يعقد اجتماع مع السيده توتي محمد صفوت الشريف وزيره الاعلام لمناقشه هذه القضيه

الفنان محمد هنيدي يهاجم نجوم الكوميديا الجدد

المذيعه فينيش ...باي

الجده: لا بقي حسبي الله و نعم الوكيل فيكم فعلا

(يغمي عليها)

الحفيده:تيته....تيته

ابتسم للحياه تبتسملك

» نضحك معآ ,,, هههههههههههههههههههههههههههههههههه
» يالا نضحك لحظات
» المرة دى عايزين نضحك من قلبنا
» شويه نكت تاني
» شويه رسايل على مزاجك