conqueronline كل البرامج المتعلقه باللعبه مع الشرح وطريقه الاستخدام(ارجو التثبيت)

بسم الله الرحمن الرحيم
في البدايه انا مبسوط جدا انى لاقيت حد غير صحابى بيلعبوا اللعبه ديه وخصوص لو عرب او مصرين عشان كده حنزلكم كل البرامج الجديده بتاعت اللعبه وطريقه استخدمها عشان تسمتعو
وتدعولى :smailes91:
اول برنامج : برنامج اللفل واسمه البوت Boting
وده البرنامج حمله من هنا
[ندعوك للتسجيل في المنتدى أو التعريف بنفسك لمعاينة هذا الرابط]
'على فكره اللينكات جديده وانا الى رافعها بأيدى يعنى اكيد اكيد شغاله عشان محدش يقول
اللينكات مش شغاله
المهم نرجع لموضعنا تانى البرنامج ده برنامج بيعمل لفل للاكونت بتاعك
طريقه الاستخدام : بس يا سيدي كل الى عليك انك تروح عند الحيونات الى انت المفروض تلفل فيها ( الى لونها ابيض ) وبعد اما تفتح البرنامج تكتب اي يوز واي باسورد ( وهمين طبعا ) وده لان البرنامج ده بيتباع بس متقلقوش حيشتغل معاكم لو كتبتو اي يوزر واي باس
المهم تفتح اللعبه الاول وبعدين تفتح البرنامج وبعدين يا سيدي تدوس على F11 حيتطلعلك مربع ده صورته
[ندعوك للتسجيل في المنتدى أو التعريف بنفسك لمعاينة هذا الرابط]
بس بقه يا سيدي وركز معايا الصوره عليها ارقام خلى بالك منها كويس لان انا حشرح عليها
1-ديه اول حاجه حتدوس عليها عشان البرنامج يفتح
2-وده عشان تحدد نوع الاكونت بتاعك طبعا لازم تحدده اذا كان تروجان علم على تروجان
3-ده بيحدد الحركه انا افضل ال Run عشان ميخنجش
4-ده بقه لو في حد جامبك وبيضرب في حيوان لو انت عاوز يعمل عليه KS يعنى يضرب نفس الحيوان الى بيضرب في شخص تانى(انصح انك تخليه No KS عشان محدش يموتك)
5-ده بقه اهم حاجه لانه بيحدد اسامى الحيوانات الى انت حتضربها وزي مقولت قبل كده انك المفروض تعمل الخطوات ديه لما تكون في المكان الى فيه الحيوانات الى حتلفل فيها ( الى لونا ابيض ) اما تكون شايف الحيوانات تدوس على scan for names حتلاقي اسامي الحيونات ظهرت في الخانه رقم 5 التانيه * ممكن تشيل اسم نوع حيوان انت مش عاوز تضربه براحتك
6-ده مهم برضه لانه بيحدد الايتمز الى تاخدها يعنى لو عملته all حياخد اي ايتمز موجوده على الارض ولو عملته none مش حياخد حاجه ولو عملته default وده الى انا انصحك بيه حياخد الجولد وحياخد كمان الايتمز المهمه زي الميتيور والجيمات والبلسات + والحجات الفيند واليونيك والاليت والسوبر وطبعا الدراجونبلز
7-ده بقه يا سيدي بيحدد الدم اه البوت بيملا دم برضه اكنك انت الى بتلعب بالظبض
(طبعا بتشتري الدم من السيتى ) وتطرح رقم الدم الى انت اشتريته من رقم دمك انت وتشوف ايه الى حيفضل وتحط الرقم يعنى مثلا لو دمك 3000 واشتريت بتاعه دم بتديك 1200 تحط الرقم 1800 (لازم تحط بتاعه الدم في خانه F1 الى موجوده تحت خالص في اللعبه)
8-ده برضه مهم جدا افرض الدم خلص طبعا البوت مش حيسيبك تموت حيقفل اللعبه اوتماتك
لو دمك وصل للرقم الى حتحدده (لازم يكون الرقم ااقل من الرقم بتاع الدم الى في رقم7 )
*مفضلش غير اخر حاجه تظبضها طبعا كلنا عارفين ان لازم اللبس والاسلحه تتصلح وطبعا لو متصلحتش بتقع عشان كده لازم تظبض ال Durability وبرضه البوت حيقفل اللعبه اوتماتك لو الديوره وصلت للرقم الى حدده ( *للامان متحطش الديوره ااقل من 5 )
*بس ياسيدى السيكلون او السكيلز الى بتجيلك كل وقت تحطها في خانه F10 وهيا حتشتغل لوحدها
* اخر حاجه تدوس start واتفرج عليه وهو بيلفل او ادخل انام وشوفه الصبح
بس ياسيدي كده مبروك عليك البوت ومتنساش تدعيلى

ثانى برنامج : اسمه السبيد هاك SpeedHack
البرنامج ده بقه جامد جدا جدا لانه بيخليك تتحرك بسرعه فائقه
كل الى عليك تفتح البرنامج وتعمل ON وتمتع بالسرعه
وده اللينك بتاعه
[ندعوك للتسجيل في المنتدى أو التعريف بنفسك لمعاينة هذا الرابط]

ثالث برنامج : وده بقه الداهيه الكبيره وانا حخليه مفاجئه الموضوع الى جى لما اشوف روددكم وتعليقاتكم اسمه QoProxy او الايمبوت AimBot

حنزله في موضوع لوحده قريب انشاء الله

اخر حاجه احب ااقولهالمك انى مجرب البرامج ديه وعاوزكم تتطمنو جدا لان البرامج ديه مش بتدودى السجن ولا حاجه انا مجربها بنفسي وبرضه البرامج ديه مفيهاش فايروس ولما تنزلها ابقى اعملها سكان عشان تتاكد برضه

واي خدمه

انا لفل 96 تروجان وبلعب في سرفر كلاجسي (بلوتو) واسم الاكونت Donald4ever